Manchester Unitedi është duke kaluar nëpër një verë tejet të ngarkuar, derisa i ka kompletuar vetëm dy transferime për sezonin e ri.

Djajtë e Kuq i transferuan Daniel Jamesin dhe Aaron Wan-Bissakan, ndërsa shpresojnë që t’i transferojnë së paku edhe tre lojtarë të tjerë.

Skuadra angleze po tenton që t’i transferojë, Nicolas Pepen nga Lille, Bruno Fernandezin nga Sporting Lisbona dhe Gareth Balen nga Real Madridi.

Zinedine Zidane ka bërë të ditur në një konferencë për media se uellsiani është afër largimit nga klubi, ndërsa Manchester United duhet t’i paguajë 80 milionë euro për shërbimet e tij.

Skuadra angleze po has në vështirës për t’i marrë shërbimet e mesfushorit të skuadrës portugeze, derisa po tentojnë ta rrëmbejnë edhe anësorin e Lilles.

Unitedi nuk heq dorë as nga transferimi i Harry Maguires nga Leicesteri, mirëpo rivalizohen nga Manchester City për shërbimet e mbrojtësit anglez. /Telegrafi/